超能煞姬相遇非洲Lucy

工作繁忙,心身俱疲,要入戲院揀一部無腦娛樂片,我首推洛比桑的Lucy。Lucy 中譯「超能煞姬」,突顯電影類型,就係科幻動作。

洛比桑的電影,拍女人,特別出色,搞動作,更好睇,加埋科幻就不會令你失望,他最出色又令人佩服的是,拍的電影,看似無腦,實則又好似有腦,情節非常不合理,細節就睇到你拍案叫絕。動作大開大合,心事令你若有所思,好似戲名Lucy 是女主角的名字,其實,另有所指,係人類係非洲發現「最早人類的化石」,一致認為,人類就由這一個女人開始發展成現代智人了。

洛比桑的構思超乎尋常,將2014 年的Lucy 和百億年前人類進化的Lucy 拉在一起,不到最後一分鐘,也不知道Lucy 不是一部女性復仇片咁簡單。電影開始三分鐘,就令人透不過氣 — 留學台灣的Lucy 誤交損友,被迫帶一個公事包入酒店交貨,裡面是什麼?沒有人知道,及至一打開,情節就排山倒海……地球另一端的法國,摩根費曼在大學主研大腦神經開發,目前人類只用百分之十的大腦功能,如果,成功開發多百分之十,就不得了,電影中的Lucy 正是被開發大腦百分之一百的腦細胞潛能,她變成所向無敵,超能之勁就如武俠小說的六脈神劍,輕功如凌波微步,掌力如降龍十八掌,洛比桑給了一個科學解釋拍他的科幻武俠片。

當一個人類擁有超能力吸收天下知識,她最該做的事是什麼?就係把龐大智能流傳下去,於是,Lucy以超能逆轉時空,回到億萬年前,在非洲草原,相遇Lucy,靈犀一指,人類文明就這一剎開始了,他成功將一部無腦科幻動作片,變得非常有腦!

作者: 
刊物: 
Year: 
Month: 
Day: 
25日